Mi ta yama Dios danki pa kada dia ku mi por hala rosea i mi ta mashá gradisidu n’e pa e sabiduria i e smak ku el a duna mi pa tur loke ta trata arte di palabra. Mi ta gusta tur loke tin di aber ku rima, poesia, kantika, charada i kuenta.

 

Mi ta mashá kontentu di por ta yu di mi mayornan Eroditha i Juan i ta stima nan un mundu. Mi ke gradisí tambe mi rumannan Brendalique i Angelique pa nan aporte inkondishonal. Mi subrinonan Tessally i Terrence pa e inspirashon. Mi kasá Gerald pa su sosten i pasenshi ku mi mente poétiko. I naturalmente e arko íris di mi bida: 'Mi yuchi Tiarah'.

 

Un danki ta bai na Thelma Anthonia ku a revisá e buki pa mi i na Muriel Meyer pa su konsehonan didákto balioso.

 

Mi ta mashá kontentu di por a konta ku sosten finansiero di Prins Bernhard Cultuurfonds Caribisch Gebied.

 

Finalmente mi ta gradisí un i tur ku di un òf otro manera a kooperá pa realisashon i           publikashon di e buki akí.

wpf9c31f2a_06.png

​FOLLOW ME

  • Facebook Social Icon
  • YouTube Social  Icon