Arko Iris. 101 rima pa mucha: Presentashon

Presentashon di Arko Iris. 101 rima pa mucha dilanti algun chikitin.

PRESENTASHON

ARKO IRIS .

101 rima pa mucha.

Djaweps, 25 di òktober 2012  Cathleen Giterson a presentá e buki titulá: Arko Iris. 101 rima pa mucha  dilanti algun chikitin. Ta trata akí di un bunita buki di rima pa nos muchanan. E buki ta kolorido i e tin shen rima partí den sinku sekshon (sinku strea) pa mucha di 4 pa 8 aña.

Tin diferente tep destiná pa mayor/

AI buki CV kontando kuenta pic CVG.png

maestro ku ta hasi posibel saka mas tantu benefisio for di e buki ora ta siña un mucha rima. Tin un vokabulario mashá práktiko na final ku nifikashon di palabra i ekspreshon ku tambe ta yuda den esaki.

 

Tin tambe mas ku 101 ilustrashon bunita i kómiko ku lo laga e muchanan enkantá. Rima 101 ta un rima mashá partikular pasobra e no ta konsistí di lèter sino di diferente blòki di koló. E muchanan lo dibertí segun nan ta desifrando e kolónan pa forma e rima úniko akí.

 

Den e anekso tin tambe informashon mashá práktiko ku mayor òf edukadó por lesa pa e muchanan komprondé por ehèmpel kon un arko íris ta forma. Tin tambe algun plachi di klùr  pa e muchanan pasa tempu dushi asina hungando ku koló.

 

Cathleen Giterson ta un outor ku ta gusta tur loke tin di aber ku rima, poesia, kantika, charada i kuenta. Anteriormente el a publiká Djis un Pensamentu. Kolekshon di poesia i prosa poétiko. Tomo I, pa tiner i adulto. Den e buki akí Cathleen ta dediká atenshon na nos muchanan. Arko Iris. 101 rima pa mucha ta dibertí mucha, eduká i stimulá nan na un manera mashá simpel.

 

A publiká e buki akí ku yudansa finansiero di Prins Bernhard Cultuurfonds Caribisch Gebied.

 

E buki  tin180 página i ta kosta solamente NAf 29,95.

 

Pa mas informashon por yama 888-0874 òf manda un mail na djispi@djisunpensamentu.com i bo  por haña e bunita buki akí te na kas.

wpf9c31f2a_06.png
____________________________________________________________