Un pia un pia

 

Un pia un pia bo ta bai

ku tiki moveshon

ku un kurpa adaptá

na kualke situashon.

Si solo kima,

si awa kai,

bo ta retirá mesora

den e hogar ku bo ta transportá

huntu ku bo tur ora.

Pasobra ta un pia un pia bo ta bai.

 

Un pia un pia bo ta bai

sin pusta ku tempu

ku ta kana mas purá

ku abo por intentá.

Pero bo no ta hansha bo bida

bo no ta keda frustrá

pokopoko bo ta sigui bo rumbo

sin preokupá.

Pasobra ta un pia un pia bo ta bai.

 

Un pia un pia bo ta bai

sin soda papa.

Un pia un pia bo ta bai

sin lamentá.

Apresio pa bo,

Sargento Mayor

pasobra bo a siña nos

kon pa logra nos meta

kada dia

maske mester hasi esaki

un pia un pia.

​

​

Saká for di: Djis un pensamentu. Kolekshon di poesia i prosa poétiko. Tomo I; Kòrsou, 2010