Dia 21 di febrüari 2011, Dia Internashonal di Idioma Materno, UNESCO a anunsiá ken ta e ganadónan di Premio UNESCO pa idioma materno papiamentu pa aña 2011. E ganadó den kategoria amatùr a resultá di ta Komishon Arte di Palabra, i e ganadó den kategoria profeshonal a resultá di ta señora Cathleen Giterson ku su proyekto ‘Djis un Pensamentu’ ku ta konsistí di e buki Djis un Pensamentu. Kolekshon di poesia i prosa poétiko. Tomo I i e website www.djisunpensamentu.com.

Minister di enseñansa, siensia, kultura i deporte señor mr. dr. René Rosalia a otorgá e ganadónan nan premio. Tabatin 11 nominashon di kua 9 nominado.

 

Tabata despues di 4 aña ku a organisá e premio akí atrobe. Hurado a konsistí di sra. Muriel Meyer, sr. Gibi Bacilio i sr. Arthur Tjin-Kon-Fat. Tabatin sertifikado pa tur nominado i e ganadónan a risibí un bunita plakat i un montante na balor di NAf. 2500.

 

E anochi akí tabata mashá ameno. Tabatin un sala yen i tur presente por a disfrutá di músika, kanto i deklamashon di poesia, manera por mira riba e potrètnan. Mashá pabien na e ganadónan . I un pabien mashá spesial ta bai na Cathleen i Djispi. Sigui ku e bon trabou. :)

wpf9c31f2a_06.png

VOLG MIJ

  • Facebook Social Icon
  • YouTube Social  Icon