E buki akí no por a mira lus di dia si no tabata pa e siguiente personanan. Mi mayornan Eroditha i Juan, kende mi ta atmirá i stima mashá hopi mes. Ta dos persona ku a lucha hopi pa nos, ku ta nan yunan, por a yega leu den bida. Mi rumannan Angelique Locadia-Giterson i Brendalique Giterson ku semper ta sostené mi. Mi subrinonan Terrence i Tessally Locadia ku indirektamente ta inspirá mi. I mas ku klaro mi kasá Gerald Martina ku tabatin bastante pasenshi ku mi mente poétiko. Un danki di kurason ta bai na e siguiente personanan pa nan konsehonan lingwístiko i poétiko balioso: Thelma Anthonia, Enrique Muller, Jules Marchena, Franklin Clemencia i Silvio Jonis. Mi ta mashá kontentu di por a konta ku sosten di Prins Bernhard Cultuurfonds Nederlandse Antillen en Aruba. Imágen di yotin kòrtá i Juan di Oro ta pa kortesia di Museo di Banko Sentral di Antia Hulandes. Un danki ta bai tambe na tur ku di un òf otro forma a kontribuí na realisashon i publikashon di e buki akí.