Presentashon di ARKO IRIS. 11 Kantika pa mucha.

ARKO IRIS .

11 Kantika pa mucha.

Cathleen Giterson awor konosí komo Tanchi Cathy a presentá su promé cd titulá ARKO IRIS . 11 kantika pa mucha

 

Na kabamentu di aña 2012 el a publiká e tan gustá buki di rima titulá: Arko Iris. 101 rima pa mucha.

For di publikashon di e buki di rima akí Cathleen a haña vários petishon di mayor- i maestronan pa publiká e rimanan den forma di poesia rítmiko pa nos chikitinnan.

Ku publikashon di e cd Arko Iris. 11 kantika pa mucha tantu nos muchanan komo mayor- i edukadónan por ta kontentu pasobra tin un cd mas riba merkado kaminda nos chikitinnan por dibertí i na mes momentu ta eduká i stimulá nan na un manera masha simpel. Arko Iris. 11 kantika pa mucha ta un bunita cd alegre, rítmiko i chistoso pa tur mucha. Tin tambe un bónùs masha tuti dediká na tur chikitin.

 

E piesa Un bon yu’i Kòrsou ta kantá pa e hóben Tessally Locadia. Areglo di e cd tabata na enkargo di Jerrel Paula. E partikularidat di e cd akí ta ku, aparte di ta bastante rítmiko i bailabel, e tin 11 kantika ku tin elemento di diferente tipo di músika aden, manera: tumba, tambú, kalipso, salsa, muzik di zumbi, merengue, beat, rock ballad, rap, house i ritmo kombiná. Tambe tin diferente zonido prèt aden pa nos muchanan.

 

E cd ta kosta solamente NAf 25,00. Pa pedido por yama 668-8078 òf manda un mail na djispi@djisunpensamentu.com pa risibí e cd te na kas. Arko Iris. 11 kantika pa mucha ta tambe un bon regalo di San Nikolas pa nos muchanan.

 

wpf9c31f2a_06.png

VOLG MIJ

  • Facebook Social Icon
  • YouTube Social  Icon