Presentashon durante Apertura Siman di Buki pa Mucha 2013, 2015 i 2016 na Boekandel Bruna

APERTURA SIMAN DI BUKI PA MUCHA 2013, 2015 I 2016 NA BOEKHANDEL BRUNA

Festival di Buki di Mucha 2013 na Boekhandel Bruna

Festival di Buki di Mucha 2013 na Boekhandel Bruna

Di 26 di òktober pa 3 di novèmber 2013 tabata Siman di Buki pa Mucha. I dia 26 di òktober di 12 or pa 3 or di mèrdia, oekhandel Bruna tabatin su tradishonal aktividatnan durante e apertura di e siman.E tema tabata: Deporte i wega.

Tabatin show di akrobasia, di magia pa e konosido Tom Presti i asta nos atleta famoso Churandy Martina tabat’ei kaminda un i tur por a saka potrèt kuné.

Outornan invitá tabata entre otro outornan di e bukinan Tooby, Kompa Nanzi i Pelikino. I mas ku klaro Cathleen Giterson tambe tabat’ei. Cathleen ku su sombré di Arko Iris a entretené e muchanan ku su rimanan di su buki Arko Iris. 101 rima pa mucha, kompañá riba ritmo di tambú.

Tabatin diferente aktividat mas ku a hasi e mèrdia akí unu eksitioso.

NA KONTINUASHON POR MIRA ALGUN POTRÈT DI E AKTIVIDAT MES, PERO TAMBE DI PRESENTASON DI CATHLEEN GITERSON. 

Presentashon di Cathleen Giterson na e Festival di Buki pa Mucha 2013 na Boekhandel Bruna.

Festival di Buki di Mucha 2015 na Boekhandel Bruna

Boekhandel Bruna a habri Siman di Buki di Mucha ku nan famoso

Kinderboekenbal. Esaki tabata riba 31 di òktober 2015. Lema di e Siman di Buki di mucha tabata Raar, maar waar. Aki ta naturalesa, siensia i teknologia tabata para sentral.

Apertura tabata na enkargo di un brassband ku a trese hopi ambiente.

Tabatin diferente aktividat,wega i oportunidat di hasi algun prueba (sientífiko). E outornan invitá tabata Evelien van Dort, Willemijn Jussen, Germaine Jong Loy i Cathleen Giterson. Tabatin koro di mucha ku a kanta bunita i tabatin baile tambe tresé pa nos muchanan. E outornan a hasi diferente aktividat ku e muchanan.

Tambe tabata lesa pa nan skucha i e muchanan tabata skucha ku mashá plaser. E gran Tom Presti tambe tabata presente i a entretené e muchanan ku tabata sigui su shownan di magia ku mashá atenshon.

 

Tanchi Cathy a konta e muchanan presente tokante kon un arko íris ta forma, tokante ta kon ‘sombra’ ta keda kreá i tambe tokante nos tradishon di medisina natural. El a laga nan mira, hole i rei algun di nos yerbanan di Kòrsou i laga nan mira algu tambe tokante transporte di ántes kompará ku transporte di awendia i kon por ehèmpel un outo a evolushoná. Durante e presentashon akí, públiko presente por a mira i skucha algun piesa for di e cd NOBO NOBO ARKO IRIS. Kantika pa mucha. Volúmen 2 di Tanchi Cathy. E famoso ‘Mai’ di e piesa Mai riba kabai di e cd Volúmen 2, a bora fiesta na final di Tanchi Cathy su presentashon i a bin kore su kabai mahestuoso miéntras e chikitinnan tambe tabata baila huntu kuné.

Tabata un dia plasentero manera por mira riba e potrètnan.

NA KONTINUASHON POR MIRA ALGUN POTRÈT DI E AKTIVIDAT MES, PERO TAMBE DI PRESENTASON DI CATHLEEN GITERSON. 

Festival di Buki di Mucha 2016 na Boekhandel Bruna

Siman di Buki di Mucha 2016 tabata di 29 di òktober te 6 di novèmber 2016. Lema di e Siman di Buki di mucha tabata: Pa semper yòn! E aña akí Tawela- i Welitanan tabata para sentral. Wela i Tawela ta hunga un ròl mashá importante den bida di nan ñetu- i bisañetunan. Ta p’esei a para ketu e aña akí na e tema akí.

Boekhandel Bruna a habri Siman di Buki di Mucha ku nan famoso Kinderboekenbal. Esaki tabata riba djasabra 29 di òktober 2016. Apertura tabata na enkargo di un brassband ku a trese hopi ambiente. Tabatin diferente aktividat i wega pa mucha, manera bulamentu den saku i un teater di pòpchi.  Tabatin algun outor invitá, entre nan Monique Cassimiri i Tanchi Cathy.  

Òmpi Tio i Tanchi Merly a animá e muchanan ku kanto i toká di tambú. Tabatin mucha ku tabata lesa pa e chikitinnan skucha i e muchanan tabata skucha ku mashá plaser. Outor Germaine Loy Jong tambe a pone e muchanan lòs nan kurpa pa medio di baile i ehersisio. Tabatin un mini show di teater kaminda Roodkapje a keda salbá pa su Super Oma bistí na paña di un super héroe, ora e wòlf ker a kome.  

Tabata un mèrdia plasentero. 

NA KONTINUASHON POR MIRA ALGUN POTRÈT DI E AKTIVIDAT MES, PERO TAMBE DI CATHLEEN GITERSON KOMO UN DI E OUTORNAN INVITÁ.

wpf9c31f2a_06.png

VOLG MIJ

  • Facebook Social Icon
  • YouTube Social  Icon