Cathleen Giterson ‘Tanchi Cathy’ konosí serka nos muchanan

pa su obranan: Arko Iris. 101 rima pa mucha (buki) i Arko Iris.

11 kantika pa mucha i Arko Iris. Kantika pa mucha. Volumen 2

(cd) ta presentá:

 

HIP HIP HURÁ

Kantika pa selebrá

 

Esaki ta un bunita cd alegre, rítmiko i chistoso pa tur mucha.

 

Un danki ta bai na tur ku di un òf otro forma a kontribuí na realisashon I publikashon di e cd akí. Korista: Tiarah Martina Giterson, Prince-Gerald Martina Giterson, Gerald Martina, Cathleen Giterson. Diseño di cd: Cathleen Giterson. Un danki mashá spesial ta bai na mi dos djispinan, mi yuchinan Tiarah i Prince-Gerald, ku henter ora bai ta kishikí mi kurason.

 

E-mail: djispi@djisunpensamentu.com.

 

Website: www.djisunpensamentu.com. Copyright © 2016.

 

Derechonan reservá. No ta pèrmití reprodusí nada di e cd akí di ningun forma, ni pa ningun medio, sin outorisashon previo i skirbí di outor di e cd akí.

HIP HIP HURÁ

Kantika pa selebrá

 

1. E dia a yega (4:10)

2. Pabien, mashá pabien (4:17)

3. Ta ken a hasi aña? (2:25)

 

4. Bendishon pa bo (3:27)

 

5. Bolo mi ke (3:32)

 

6. Ta ken t’ei ked’afó? (4:30)

 

7. Hip hip hurèp (2:19)

 

8. Ban kibr’e piñata (3:28)

 

9. Mira kuantu regalo (3:40)

Portada di HIP HIP HURÁ. Kantika pa selebrá.

Kaft patras di HIP HIP HURÁ. Kantika pa selebrá.

Presentashon di HIP HIP HURÁ. Kantika pa selebrá.

Dia 25 di òktober 2016, Tanchi Cathy (Cathleen Giterson) a presentá  su di tres cd pa mucha titulá: HIP HIP HURÁ. Kantika pa selebrá. 

Tanchi Cathy, konosí serka nos chikitinnan pa su obranan ARKO IRIS. 101 rima pa mucha (buki) i e cdnan ARKO IRIS. 11 kantika pa mucha i ARKO IRIS. Kantika pa mucha. Volúmen 2 a lansa di e manera akí riba merkado su di tres cd ku kantika pa mucha.

HIP HIP HURÁ. Kantika pa selebrá ta un bunita cd alegre, rítmiko i chistoso ku kantika ku por toka na hasimentu di aña di mucha. Manera nos chikitinnan a kustumbrá kaba di Tanchi Cathy, esaki tambe ta un cd bastante rítmiko i bailabel. Areglo di e cd tabata na enkargo di Jerrel Paula.

E cd tin 9 kantika ku tin elemento di diferente tipo di músika aden, manera: tumba, tambú, bubbling, marcha, slow rèp, beat i ritmo kombiná. Tambe tin diferente zonido prèt aden pa nos muchanan.

 

E piesanan riba e cd akí lo kombertí kualke hasimentu di aña den un dushi konsierto variá i dinámiko. E piesanan ta trata netamente aspektonan òf situashonnan leuk ku bo por topa na un selebrashon di hasimentu di aña.  E muchanan lo bula, baila, hari, i gosa un bòl. Nan lo keda move sinfin. 

E cd ta kosta solamente NAf. 25,00. Pa pedido por yama 888-0874 (despues di 17:00 or) òf manda un mail na cgiterson@yahoo.com òf djispi@djisunpensamentu.com òf por kontaktá nos tambe via nos website:  www.djisunpensamentu.com.  Bo ta risibí bo cd te na kas.

HIP HIP HURÁ. Kantika pa selebrá ta un dushi cd ku no por falta na niun fiesta di hasimentu di aña di mucha.

 
____________________________________________________________
 
 
 
 
 

​FOLLOW ME

  • Facebook Social Icon
  • YouTube Social  Icon