Den e rúbrika akí por haña hopi potrèt di sea un aktividat artístiko, literario òf musikal i kisas asta kompañá pa algu di informashon tokante e aktividat i kon el a bai.

Festival (Siman) di Buki di Mucha 2019

 

Siman di Buki di Mucha 2019 tabata di 1 pa 8 di novèmber 2019. Lema di e Siman di Buki tabata: 'Ban lesa, gosa y biaha'. Transporte a bira un forma esensial di nos bida pa nos por move di un punta pa otro. Ta p’esei a para ketu e biaha akí na e tema.

Meta di e festival ta pa stimulá lesamentu serka mucha. Diferente outor, ilustradó, kontadónan di kuenta (storia) for di diferente pais a partisipá na e festival.

E partisipantenan di e aña akí tabata Mariella van de Beek, Juliette de Wit, Jeroen Hoogerwerf, Gewout Esselink di Hulanda. Di Boneiru: Xiomara Frans-Muller i  Denise de Jongh-Rekwest. Di Colombia: Pedro Vargas. Di Aruba mes: Richard Dabian, Sergio Tjie-A-Loi, Olga Buckley, Shaila Vrolijk-Balgobind i Emerita Emerencia.
For di Kòrsou: Alvin Inecia (Tio Ali) i Cathleen Giterson (Tanchi Cathy).

Tanchi Cathy kompañá pa su tambú a presentá tantu rima, kantika i kuenta (storia) pa e dushi muchanan di Aruba.

Tabata un temporada masha dushi mes kaminda Tanchi Cathy tabatin e bunita oportunidat di presentá i yuda kontribuí pa stimulá e muchanan pa lesa hopi buki. I mas ku klaro, Tanchi Cathy a gosa un bòl.

 

Presentashon di Tanchi Cathy na Biblioteca Nacional San Nicolas den kuadro di Festival (Siman) di Buki pa Mucha 2019.
Cathleen Giterson (Tanchi Cathy)  ta bishitá i presentá pa diferente skol na Aruba den kuadro di Festival (Siman) di Buki pa Mucha 2019.
wpf9c31f2a_06.png

​FOLLOW ME

  • Facebook Social Icon
  • YouTube Social  Icon