Reglanan di partisipashon​:

​

Skirbi un poema (kòrtiku). E por ta inkluso hopi kòrtiku manera por ehèmpel un Haiku, Sèptolèt, Noneto, Cinquin òf simplemente un poesia di verso liber di bo gusto.

E por ta un poema ku ta inspirá, un poema edukativo, un poema pa konsientisá nos òf un poema chistoso. Ke men tratando asin’akí ún di e aspektonan manera nos website ta para p’e; manera por lesa den e lema di nos site.

 

No ta importá. E tema tambe ta liber. Abo ta disidí. 

Pensa, harma ku kurashi ... laga tur e kreatividat ku bo tin wardá paden ei brota sali afó i laga bo mente guia bo den ki direkshon e ke bai.

​

Nos ta spera di risibí vários poema kòrtiku entre 5 te ku 20 verso/liña.  

Por skirbi na un di e kuater idiomanan di e site esta sea na papiamentu, ingles, spañó òf hulandes. Tur hende, na kua parti di mundu ku nan por ta, por partisipá.

Edat: 13 aña bai ariba (te 100+)

​

E 10 poemanan mas original i mas impreshonante ta resultá ganadó i komo muestra di apresio lo keda publiká riba nos website. E premionan ta konsistí di Pakete di Buki i CD ku nos ta pone disponibel for di nos Online STORE i Sertifikado di Ekselensia.

​

Mester manda e poema ku datonan personal di outor di e poema, skirbí den e mes fail di e poema (Word of PDF). Esta título di poema, nòmber i fam di outor di e poema, edat i pais di residensia na nos e-mail: djispi@djisunpensamentu.com.

​

Mandando bo poema na nos adrès di e-mail bo ta afirmando mesora tambe di e forma ei, ku ta BO kreashon original i pues ku ta abo tin derecho di outor riba e poema ei.

​

Último fecha pa manda bo poesia original aden ta 15 di febrüari 2021.

Lo anunsiá e 10 ganadónan kuminsamentu di mart 2021 i lo estrená e 10 poemanan ganadó den un rúbrika spesial riba nos website.

​

Pa informashon adishonal por drenta den kontakto ku nos via nos website www.djisunpensamentu.com òf nos e-mail.

 

ÉKSITO NA TUR PENSAMENTISTA PARTISIPANTE!!!