Notisia Djispi

NOTISIA DJISPI

  • Komo ku Djispi ta asina kontentu, Djispi ta brinda tur pensamentista 10% di deskuento riba tur nos produktonan. 10 aña – 10% (Dia nos kumpli 100 aña ku poder di Dios nos lo duna 100% di deskuento.)

 

  • ‘Pensamentistanan, Thinkerthoughters, Pensamentistas, Denkerlingen’, nos website ta awor, dado kaso bo no a ripará ainda, na e kuater idiomanan mas usá riba nos isla Kòrsou (pa esnan ku no ta mashá na altura, Kòrsou ta keda den Karibe Hulandes dilanti di kosta di Venezuela). E kuater idiomanan mas usá ta mas ku klaro nos dushi papiamentu, ingles, spañó i hulandes.  “Esta bon, no!” “That’s Awesome!” "¡Eso es genial!"   "Dat is geweldig!" 

      Idioma Emoji: 

image004.png
image017.png
image002.png
source (3).gif
giphy (1).gif
a34d75ddd58bf934af0866fe205dc5c7.gif
party_face_256.gif
SecondPowerlessFlamingo-small.gif
giphy (2).gif
heart-04.gif

Kerido pensamentistanan,

Bon biní na e boletin estelar akí di Notisia Djispi.

Den e boletin akí nos ke kòrda boso riba algun punto sumamente importante di nos website Djis un Pensamentu.

 

  • Nos website a kumpli 10 aña di eksistensia. HIP HIP HURÁÁÁ!!!

      Un i tur ku felisitá nos lo haña un delisioso pida bolo virtual                den nan mail òf inbox, kompletamente grátis. Ñùmi Ñùmi!

image010.png
image017.png
image010.png
  • Nos a kaba di estrená Edishon 10 di Djis un Pensamentu. Un edishon NOBO NOBO kargá ku bòsh’i informason. Asina ta kore bo chèk e! (Wak pa bo no trompeká sí)

 

  • Pa koroná obra (kòrda nos a bisa ‘koroná’ i no ‘korona’ (Ni de bola!) i pa selebrá ku tur nos pensamentistanan, Djispi ta organisá e Konkurso di Poesia 10º Aniversario Djis un Pensamentu. (E, e! Un boka yen!) Aki tur hende por kompetí mandando nan poesia original (kemen un poema ku nan mes ta pensa i skirbi) aden i nan por gana premio. Pa tur e detayenan di e konkurso akí chèk e rúbrika konserní.

  • Pa duna mas tantu hende oportunidat di skirbi poesia na nivel, Djispi a skirbi un relato spesial titulá: 10 TEP DI DJISPI KON PA SKIRBI POESIA IMPRESHONANTE!!! Pa bo por risibí esaki bo mester suskribí promé na nos website i lo bo tin e oportunidat di download e GRÁTIS mesora for di internèt. (Dikon 10 tep so lo bo bisa? Ai, bo tambe sa nèk … Pasó ta 10 ANIVERSARIO nos ta selebrando, mas ku klaro no! Ta p’esei tur kos ta stail di 10 10 10 … … … Esta baina, no? Ata Teleprompter tambe a kore bai laga nos akí. Ayayai! … Ta unda nos a keda awó, yu??? … An sí, akí …)  Di e manera akí Djispi ta spera di por yuda maske ta ku un krenchi pa tur amante di poesia amatù​r animá pa skirbi poesia i pues partisipá mesora tambe na nos Konkurso di Poesia. Di mes poetanan ku mas eksperensia tambe ta ‘welcome’ pa tir’un bista i refreská nan memoria i kisas nan tambe por saka algu afó. Den e relato konserní tur pensamentista por lesa e 10 tepnan balioso akí. (Nò, nò, nò! No aworakí! No tribi bai laga Djispi ku palabra na boka! Hasié asina k’e boletin interesantísimo akí kaba.)

  • Shonnan, EXTRA EXTRA read all about it! Nos ta 'kibra' e boletin estelar akí pa trese bo un BREAKING NEWS: Djispi huntu ku Cathleen a kaba di lansa nan promé E-book titulá: Reading is FUN. Writing is NOTTips & Tricks for Writing Impressive Literary Arts. E buki ta den forma digital i ta kontené 159 página. Durante un tempu limitá por kumpra e buki akí pa solamente 2.99 USD [NAf. 5,50]. Pensamentistanan, esaki sí ta un ganga! No lag'é pasa bo forbei!

 

  • Nos ke kòrda un i tur na kua parti di mundu ku boso por ta (asta e pingwinonan na Alaska òf ta Antártika, òf ta tur dos) (i tambe e ekstraterestrenan òf ta ufonan den espasio) ku nan por kumpra kualke di nos obrananan ku ta den nos Online STORE, i nos lo sòru pa nan haña esaki te kaminda nan ta ku DHL (Djispi Hack Location).

 

  • Keda pendiente pasobra nos tin diferente obra riba lista pendiente pa publiká.

     

Si bo ke keda na altura asina ku un di nos publikashonnan ta        optenibel pa kumpra, LIKE nos Facebook Business Page: Djis un        Pensamentu:                                            https://www.facebook.com/pg/Djispi/posts/?ref=page_internal

Bira ‘friends’ ku nos riba nos Personal Facebook Page: Djis-un              Pensamentu: https://www.facebook.com/djisun.pensamentu.9

Suskribí na nos kanal di Youtube titulá Djispi                                    Pensamentu:  https://www.youtube.com/feed/my_videos

Sigui nos via nos Instagram:            https://www.instagram.com/djisunpensamentu/

‘Tweet’ nos via nos kuenta di Twitter:        https://twitter.com/Djispilicious

I ‘pin’ nos chiste- i charadanan via nos kuenta di ‘Pinterest’:      https://www.pinterest.com/Djis_unpensamentu/

 

Di e manera akí bo ta keda ‘up to date’ di tur info relashoná                ku nos obranan i nos website Djis un Pensamentu. 

 

Nos ta yama bo masha danki di a sintonisá nos boletin di Notisia Djispji ku mashá atenshon.

Pasa Felis Dia.

Duike, duike!

A informá bo ku mashá plaser, bo anfitrion, The One and Only:

Djispi Pensamentu

image005.png

SERÁ!

____________________________________________________________
Punto kulminante DUP - Edishon 10-1.png
____________________________________________________________

Komunikado di prensa

 

DJIS UN PENSAMENTU
un E-magazine pa inspirá, eduká, konsientisá i entretené

Selebrando su di 10 ANIVERSARIO Online i ku KOMPETENSIA DI POESIA

 

WILLEMSTAD – E website Djis un Pensamentu (www.djisunpensamentu.com) ku tin komo lema: un E-magazine pa inspirá, eduká, konsientisá i entretené ta kumpliendo su di 10 aniversario online. E website akí a keda lansá na aña  2010 na mes momentu ku Cathleen Giterson a debutá komo poeta i eskritor di e buki: Djis un Pensamentu. Kolekshon di poesia i prosa poétiko. Tomo I for di kua e website a haña su nòmber. Tantu e buki komo e website a risibí Premio UNESCO pa idioma materno papiamentu su siguiente aña.

Anfitrion di e website ta e emoji Djispi ku na su manera pekuliar a trese diferente pensamentu dilanti durante e 10 añanan tras di lomba pa tur su ‘pensamentistanan’ manera e ta yama nan. E website akí ta un website kaminda na un manera relahá ta purba na trese diferente aspekto literario dilanti. Tambe ta purba stimulá apresio di prinsipalmente hóbennan pero tambe adulto pa literatura en general.

Atraves di e 10 añanan akí ta diferente tiner a aserká Cathleen Giterson pa konseho òf yudansa relashoná ku poesía, prosa i idioma papiamentu partikularmente. Komo Tanchi Cathy, Cathleen a stimulá diferente chikitin pa lesa i yuda asina tambe ku atkisishon di vokabulario mediante su rima-, poesia òf kantikanan pa mucha. Djis un Pensamentu ta un website ku ta brinda diferente informashon i tep relashoná ku idioma, papiamentu, literatura, músika pero tambe por ehèmpel reseta, pùzel, obra di man, teksto-, imagen- i vidionan sea informativo òf ku ta inspirá, òf ku ta chistoso pa entretené.

Tur obra di Cathleen i Tanchi Cathy ta optenibel pa kumpra via e site i tambe e buki mas resien ku ta un historia real, un outobiografia di Cathleen su tata, Juan C. Martis (†), titulá BIDA DI UN SIPIR. Relato di susesonan di e último añanan di prizòn na Plasa Wilhelmina i e promé añanan di prizòn na Koraal Specht.

 

Pa ranka sali ku selebrashon di nos di 10 aniversario, Djispi a kaba di lansa tambe Edishon 10 di Djis un Pensamentu.  I pa selebrá grandemente, e website kompletu ta awor na kuater idioma; papiamentu, ingles, spañó i hulandes. Djispi ta animá tur su pensamentistanan fiel i tambe esnan ku e ta spera di por kontagiá pa chèk e edishon nobo akí. Tambe Djispi ta duna 10% di deskuento riba tur obra ku ta optenibel via e website.

Komosifuera no ta basta. Cathleen Giterson i Djispi a kaba di lansa nan promé e-book titulá: Reading is FUN. Writing is NOT. Tips & Tricks for Writing Impressive Literary Arts. E buki ta den forma digital i ta kontené 159 página. Durante un tempu limitá por kumpra e buki akí pa solamente 2.99 USD  [NAf. 5,50].

Pa yama tur pensamentista ku a aseptá Djis un Pensamentu masha danki, Djispi ta organisá e Kompetensia di Poesia 10º Aniversario Djis un Pensamentu. Skirbi un poema original kòrtiku (entre 5 te 20 verso/liña). Por skirbi na papiamentu, ingles, spañó òf hulandes. Tur hende, na kua parti di mundu ku nan por ta, por partisipá. Edat: 13 aña bai ariba (te 100+). E 10 poemanan mas original ta resultá ganadó i lo keda estrená riba nos website. E premionan ta konsistí di Pakete di Buki i CD di nos Online STORE i bunita Sertifikado di Ekselensia pa e poetanan ganadó. 

Si suskribí na e website por download e relato di Djispi: 10 Tips from Djispi for Writing Impressive Poetry kompletamente GRÁTIS. Esaki sigur lo por sirbi komo guia pa bo partisipashon na e konkurso di poesia.

 

Mester manda e poemanan ku datonan personal di outor na nos e-mail: djispi@djisunpensamentu.com. Último fecha pa manda bo poesia original aden ta 15 di febrüari 2021. Subi nos website www.djisunpensamentu.com, pa haña datonan adishonal relashoná ku e kompetensia akí.

Pa mas informashon por kontaktá nos via nos website, nos e-mail òf yama nos na telefòn 5999-668-8078. ;)

SERÁ!

Invitation - DUP Poetry Afternoon.png

Komunikado di prensa

 

POESIA DEN LOCKDOWN

Djispi ta yuda tur ‘pensamentista’ ku skirbimentu di poesia GRÁTIS!

WILLEMSTAD – Den kuadro di nos di 10 aniversario di nos website Djis un Pensamentu (www.djisunpensamentu.com) ku tin komo lema: un E-magazine pa inspirá, eduká, konsientisá i entretené, Djispi, anfitrion di nos website, ta yuda tur poeta amatùr ku konseho i retroalimentashon di nan poesia gratuitamente. POESIA DEN LOCKDOWN. Ban kombertí negativismo den positivismo!

Komo ku Djispi ketubai ta di húbilo ku e tin 10 aña kaba online i mirando ku e LOCKDOWN akí tin nos tur ‘hestrès’, Djispi ta dispuesto di duna un man pa trata di yuda ku un krenchi den henter e situashon fèrfelu akí. Efektonan di Lockdown riba nos mente por ta funesto. No ta tur hende sa kon dil ku esaki. Un manera simpel pero ku alolargu tòg por tin benefisionan duradero ta di pone bo pensamentunan riba papel. Si akaso bo ta sinti bo rabiá, frustrá, impotente, bo no sa ki hasi ... purba na pone bo sintimentu-, emoshon- i pensamentunan riba papel. Trata di hasi esaki poétikamente, ya mesora tambe esaki lo por kombertí den un hòbi ku kisas por trese asta benefisio i rekonosimentu pa bo den futuro.

Bo por konsiderá e ‘kampaña’ akí komo un ‘1 on 1’. Kada pensamentista por manda un máksimo di dos poema. Bo por skirbi esaki na papiamentu, ingles, spañó òf hulandes. Djispi lo lesa bo dos poemanan, yuda bo ku struktura, uso di lenguahe, kontenido i presentashon di bo poema. Esaki lo sosodé via e-mail. Manda bo poema den formato Word, ya nos por komentá i komuniká ku bo di un manera mas kla i transparente.

Bo poema lo no bini riba nos website, komo ku nos ta konsiderá esaki komo un yudansa personal. Henter e kampaña akí ta pa stimulá abo tambe ku kisas nunka a yega di skirbi poesia òf abo ku tin kustumber di skirbi poesia pero ku kisas tin mester di un empuhe òf un estímulo èkstra pa sigui skirbi. Pero Djispi ta hasi esaki prinsipalmente pa abo sinti bo kómodo i konfiá pa yega na publiká bo obranan poétiko. Kòrda ku, prinsipalmente den kaso di nos dushi idioma papiamentu, mas obra poétiko/literario nos isla tin, mihó esaki ta pa literarutura i kultura di nos pais.

Pensamentistanan, bo ta liber di skohe e tema di bo poemanan. Tur edat ta bon biní. Manda bo poema òf 2 poemanan na nos adrès di e-mail: djispi@djisunpensamentu.com. Durashon di e kampaña akí ta pa e temporada di Lockdown aktual na Kòrsou. Ke men durante e temporada ku Gobièrnu di Kòrsou a deklará komo Lockdown. Si esaki terminá promé ku 30 di aprel 2021, nos sí ta sigui te e fecha akí. Dado kaso e Lockdown ta mas largu ku e fecha akí, e or’ei nos tambe lo ekstendé nos fecha límite te final di e Lockdown deklará pa gobièrnu.

 

Riba nos website tambe lo bo por lesa tur esaki atrobe den nos rúbrika di ‘Notisia Djispi’, na e lenk akí: https://www.djisunpensamentu.com/notisia-djispi

Pa mas informashon por kontaktá Cathleen i Djispi tambe via nos formulario di kontakto di nos website na www.djisunpensamentu.com òf via nos number di telefòn 5999-668-8078. ;)

____________________________________________________________
wpf9c31f2a_06.png
____________________________________________________________
____________________________________________________________
____________________________________________________________
____________________________________________________________
Flyer - POESIA DEN LOCKDOWN.png
source.gif