DJIS UN PENSAMENTU
Un E-magazine pa inspirá, eduká, konsientisá i entretené
DJIS UN PENSAMENTU
Un E-magazine pa inspirá, eduká, konsientisá i entretené
Eduká: Ñùmi ñùmi
Esaki ta e rúbrika di reseta. Tur biaha lo presentá un dushi reseta ku lo laga un i tur su boka kore awa.
E biaha akí den nos rúbrika Ñùmi Ñùmi nos tin un reseta mashá práktiko ku ta basta fásil pa hasi i ku ta gustá serka grandi i chikí.
Ta ken no gusta un bon pia di galiña temperá?
Galiña na fòrnu
Ingredientenan:
2 lb galiña di bo eskoho
3 kuchara di zeta
3 kuchara di miel
1 kuchara di ketjap asin
1 kuchara di ketjap manis
3 tench’i konofló machiká
1 telep di puiru di gèmber
1 telep di puiru di chili
1 telep di kané
2 kuchara di suku brùin
3 kuchara di tijm
2 kuchara di maizena
Salu ku peper na bo smak
Preparashon:
Meskla tur kos bon.
Basha e meskla riba e galiña.
Kubri e galiña bon ku e sous i lag’é mariná den frishidèr pa mínimo 4 ora òf un anochi.
Zeta un forma di 2 liter i pone e galiña i sous aden.
Hink’é den un fòrnu kayente na 200 grado Celsius.
Sak'é despues di 30 minüt for di fòrnu.
Por usa e sous komo base pa un sous pa kome ku aros, batata, funchi òf pasta.
.
DISFRUTÁ NA KONTINUASHON DI TUR IMÁGEN UN TRAS DI OTRO:
Djispi ke gradisí Brendalique Giterson, ku ta master den kushina, pa su kontribushon ku nos rúbrika Ñùmi Ñùmi. Un biaha mas el a yuda nos ku un dushi reseta i potrèt. Sinembargo Djispi a keda ku boka ta kore awa so, paso haña si Djispi no a haña ni un pia. Pero nos ta kontentu tòg, pasobra nos ta komprondé ku ta pasobra ta abase di distansia largu. Brenda kòrda vris un par di pia sí pa nos. I ora bo ta bin abou, kòrda bini ku nan. :-D
Ke hubo? Bo a gust'é? Bo ta bai trah'é?
Bon apetit!
(Kualke kos, mail un boká pa nos. ;)
__________________________________________________________
