Aiaiai! Kurpa ta due? Doló ta mata bo? E kurpa no ta djawe no! Ta ki ta bo doló antó? Awèl, zanpèt! Den e rúbrika akí nos ta siña bo kon pa usa kosnan natural, sin tin mester di gasta sèn i sin tin mester di usa nada kímiko. Ta mashá importante pa nos sigui traspasá sabiduria di nos grandinan pa e generashonnan ku ta bini. Djis drei wak den bo kurá, mira kiko asina bo por tin na palu, fruta, yerba òf mata. Si bo no logra bini kla den bo mes kurá òf kurá di bo bisiña, djis sali dal un buèlta den bario. Drenta un ratu den kualke mondi (kuidou ku sumpiña sí) i probablemente lo bo haña e yerba ku bo tin mester. Ora bo regresá kas djis sigui nos konsehonan i kasi sigur mas rápido ku inmediatamente bo tambe lo por grita: Zanpèt! Ayó doló.

 

E biaha akí nos ta para ketu na e mihó yerbanan pa usa kontra malesanan respiratorio i tambe na e mihó tipo di alimentonan pa hisa sistema imunológiko di bo kurpa.