Den kuadro di e Festival Internashonal di Literatura 2012 – Writers Unlimited Curaçao, ku komo tema Poder di memoria, dos outor a bishitá Skol Avansá Integrá (SKAI) dia 19 di aprel 2012.

E dos outornan akí tabata Rodaan Al Galidi (Irak/Hulanda) i Cathleen Giterson (Kòrsou).

Previo na e bishita di outor akí e alumnonan a risibí un tayer di sra. Elodie Heloise tokante e tópiko Poder di memoria pa prepará e alumnonan pa bishita di e dos outornan.

Esaki a tuma lugá dia 3 di aprel 2012. E alumnonan mester a bisa kiko nan lo pone den un baul ku lo habri te aki 100 aña.

 

Djaweps 19 di aprel e outor Rodaan Al Galidi a konta alumnonan di klas 3 tokante su obranan ku el a skirbi, su historia, su idioma i tambe el a deklamá i laga alumno deklamá algun di su poesianan.

 

Despues di pousa tabata turno pa e outor Cathleen Giterson, ku a deklamá poema tokando su tambú, a konta e alumnonan tokante kon el a desaroyá su mente pa loke ta trata skirbimentu i a hasi ehersisio di memoria tambe ku e alumnonan ku na final mester a krea un historia a base di algun palabra ku nan mester a pensa komo klas.

 

Na final Cathleen a rifa tambe tres ehemplar di su obra Djis un Pensamentu. Kolekshon di poesia i prosa poétiko. Tomo I.

E mainta akí tabata un mainta mashá ameno.

Ganadónan di Djis un Pensamentu. Kolekshon di poesia i prosa poétiko. Tomo I. Tur tres ganadó ta den klas 3 di VSBO na SKAIH. Di robes pa drechi: Jarzhinia Jamanika, Surendsly Ricardo i Ana-Maria Nicolina.

wpf9c31f2a_06.png

​FOLLOW ME

  • Facebook Social Icon
  • YouTube Social  Icon